Ողջույն, ես Մերին եմ՝ կրթահամալիրի շրջանավարտ:
Կյանքիս 12 լավագույն ուսումնական տարիները անցկացրել եմ հենց այս կրթահամալիրում: Հիշում եմ ինձ դեռ առաջին դասրանից Բ-4 դպրոց-պարտեզում: Կրթահամալիրը ինձ տվել է նորովի հմտություններ՝ համակարգչային տիրապետում, գրադարանային աշխատանք….. կարծում եմ, եթե շարունակեմ թվարկել կրթահամալիրց ստացածս հմտությունները՝ ամբողջ տեքստս կծավալվի դրա վրա:
Փոքրուց զբաղվում եմ և հաճախում եմ տարբեր լրացուցիչ կրթություններով՝ գնացել եմ պարի, զբաղվում եմ սպորտով, հաճախում եմ երաժշտական դպրոց և նաև նորաձևության դպրոց:
Շատ մեծ տպավորություններով եմ հեռանալու իմ կրթահամալիրից, հիշարժան օրերի հիշողություններով: Շատ եմ սիրում իմ դասավանդողներին՝ նրանց ջերմությունը, հումորները, բայց միևնույն ժամանակ զայրույթը: Ձեռք եմ բերել շատ ընկերներ, ովքեր դարձել են իմ կյանքի ընկերները: Առաջին դասարանից սկսած ճամփորդել եմ՝ նվաճել ենք տարբեր բերդեր, լեռներ, սարեր, ճամփորդել եմ ամբողջ Լեռնային Ղարաբաղով,նաև մասնակցել եմ Անակլիայի անմոռանալի ճամբարին: Դպրոցում մեծանալով ձեռք եմ բերել ազատություն:
Շնորհակալ եմ, որ այստեղ այսքան անմոռանալի ժամանակ եմ անցկացրել, ունեցել եմ նորովի ձեռբերումներ: Կրթահամալիրը կարծես ինձ համար խոշոր շահում լինի, որը եղել է և կմնա ինձ համար փորձաշրջան, որի դռները կարծես երբեք չեն փակվում իրենց շրջանավարտների առջև: